freshtea by happylemon (創紀之城五期(apm)) (Closed)

Apm內的手搖飲品店越開越多，今次試呢間Freshtea by Happylemon, 佢的位置正正對住某大型生活用品店，都易搵。呢間見就見得多，但幫襯都係第一次，見佢飲品選擇都多，而家仲有size選擇，呢樣我幾buy. 今日我同朋友行商場，行足幾個鐘，咁就梗係買大size一邊行一邊飲啦。我揀左芝士蜜香紅茶，朋友揀左黑糖奶茶加紅豆、珍珠。芝士蜜香紅茶：我覺得最好味係個茶！甜甜地，有陣陣蜜香味，唔會好澀，好啱女仔飲。芝士的味道好重，一齊飲好似飲緊芝士奶茶咁。黑糖奶茶加紅豆、珍珠：佢地黑糖奶茶唔會好甜，可能因為朋友叫左少甜關係，感覺比較健康！珍珠口感都唔錯，好有咬口。加埋紅豆口感更得意，一啜兩種口感同時出現在口腔。紅豆都煮得幾林，加埋珍珠的彈牙，一齊𡁻，係好有趣。