飯意冰室 (Closed)

呢間食過幾次，本身都覺得唔差，野食都幾大份下，今次呢個午餐係芝士薯餅雞翼豬扒咖哩飯(個餐名真係咁寫),$53,包餐湯野飲，另外佢有沙律送。個飯一上到黎，見到一大堆芝士醬，果一下真係心花怒放👍🏻薯餅比芝士醬半蓋住，一黎到即食仲係脆的，配埋真係一絕。薯餅有三件，雞翼有三隻，豬扒一塊。芝士醬味道好重，夠香濃，好好食👍🏻雞翼冇特別就唔多講，至於塊豬扒，呢日果塊唔太嫩滑，口感差左少少，但都唔難食。咖哩個汁...其實都冇咩特別，正正常常，唔錯。至於餐湯，紅湯味道唔錯、偏酸，之前叫過佢既白湯...就真係差左少少，冇乜味....