韓讚 (Closed)

係銅鑼灣行街行到晚上九點半先覺肚餓，用預訂app 見到宜間有8折就立即訂位。去到無乜人，好驚中伏，但野食一點都唔差，可能係我地太晏去姐。首先，宜度同韓國餐廳一樣，會有前菜，如果想添既話，同侍應講聲就得。不過，不建議添太多次，因為主菜份量都唔小。兩個人叫左一個春川芝士鍋，侍應會係你面前整俾你食，見佢一路整，我一路流口水。芝士可以拉到成尺長，芝士剛好中和一點辣味。 份量十分多，未食個韓國麵已經覺得好飽好飽。