梨滿園韓國料理 (Closed)

今日同朋友放工行旺角，咁啱大家都想食韓國野，行經Deli，發現呢間韓國餐廳，所以上左去食。見到呢個新出嘅放題餐，真係好抵！120分鐘任食韓式拉絲芝士雞，重有拉絲芝士紫菜卷蛋同壽司，非常之抵食。呢個放題餐只係要$138，單叫都唔止呢個價錢啦～韓式拉絲芝士雞🐤啲雞醃得好入味，唔叫好大舊，包埋芝士可以一啖一舊。重要芝士有好多，可以落力包，雖然邪惡，但滋味！韓國壽司食韓國嘢點少得韓國壽司，材料都好豐富，有爽口醃左咗嘅白蘿蔔、青瓜、厚煎蛋、豬肉同紅蘿蔔，味道唔錯。拉絲芝士菜卷蛋🧀呢個卷蛋，同出邊韓國餐廳整嘅好唔同，中間重有紫菜同埋可以拉得勁長嘅芝士，好特別，口感又豐富！雪濃湯🐮因為朋友想試多款食物，所以我地單叫咗一個雪濃湯。呢個湯有香濃嘅牛骨湯，重有好多牛肉片同粉絲，好好送飯。我地重叫咗蜂蜜柚子茶同蜂蜜生薑茶飲，好滋潤，唔係好甜。