Oppa Chicken (Moved) New Location

就係屋企附近，平時經過成日見到排隊，所以就約F中午開門葛時候就去，做左第一批客。我地五個人點左兩個lunch set（原味炸雞同醬油蜜糖炸雞，各有5隻雞比），一份芝士雞蛋捲 同一份辛辣芝士雞。炸雞D皮炸到好脆，唔會好油，雞肉都幾嫩。但醬油蜜糖雞就食唔出蜜糖味，個人覺得炸雞配葛薯條仲好吃。芝士雞蛋捲每張台必點，芝士拉絲都幾勁，配上沙律醬同番茄汁唔會覺得好膩。至於芝士辛辣雞，食唔到辣葛千奇唔好點，勁辣，吃到後面感覺除左辣就無乜味道。不過入面有幾條年糕同薯條，煮得好入味，雞肉肉質就麻麻啦，芝士味都唔係好濃。最後五個人人均$64，都幾抵既。我見其他lunch set好似都唔錯，下次可以試一下。