Red Lobster (Fashion Walk) (Closed)

見到Red Loster都做外賣自取，全日供應，價錢仲好實惠，即刻買返屋企試吓。今日試咗佢嘅大蝦意粉配龍蝦醬，同埋佢出名嘅芝士鬆餅。意粉份量好大，麵條稍為乾身，大概有六、七粒中型嘅蝦肉，但係龍蝦醬份量太少，唔能夠每條意粉都沾滿醬，口感淡啲，感覺一般，冇想像中咁好味。芝士鬆餅就非常好食，以前食開甜嘅鬆餅，呢個鬆餅除咗加芝士之外似乎都加咗少少蔬菜，稍為喺焗爐烤下，就好鬆軟、好香，物有所值，可以encore。希望佢意粉醬汁俾多啲，外賣Menu加多啲唔同嘅菜式，下次可以試吓啲新嘢。