新記芝士麵茶餐廳 (Moved) New Location

午膳時間四處揾食，行經灣仔道，發現一間以芝士麵為名的茶餐廳。門外貼了不少名星惠顧的照片，亦有不少人排着隊入內，此店水準一是不錯，一是芝士麵夠特別，一於試試。一碗雙拼芝士麵連熱飲一杯，其實有點貴。兩餸選了司華力腸及雞翼，前者三小片，後者兩隻，份量不多，普通食材，味道亦唔多講喇！主打的芝士麵，芝士份量不少，遠遠已能嗅到芝士的香氣。味道方面，芝士汁頗為濃郁，亦唔會好滯膩，確係幾好食嘅。追加一份奶油多，亦造得不錯，至少奶油份量能填滿整塊包，不似其他茶餐廳那麼吝惜。