McCafe

Open Now

Now Closed

最近見麥記都加入左芝士奶蓋軍團，廣告更highlight芝芝芒芒係採用菲律賓呂宋芒，同埋奶蓋係以歐洲及紐西蘭芝士製成。用料來源咁好，我對呢杯野飲既期望自然好高啦~黎到McCafe落單，分大/珍寶兩個size，我點左”大”，索價$36.5，相對麥記一般飲品黎講定價幾貴。但如果杯野飲品質好既話，一分錢一分貨係可以理解既。不過呢度既芝芝芒芒真係令人好。失。望！奶蓋一個個氣泡，完全唔綿密，無奶香亦無芝士香，淨係飲到咸咸地。芒果汁係勁假既人工味道，一粒新鮮芒果都無，淨係用芒果醬開水。如果要形容味道，最貼切就係菲律賓呂宋芒果「乾」+糖漿+水混合物，得個死甜。同奶蓋界巨頭真係完全無得比，某知名品牌既芝芝芒芒真係啖啖果肉，呢度係得個名做到100%似，但品質就一啲都追唔上。好努力飲左半杯，之後果斷放棄。