明記咖啡糖水小食 (Closed)

嗌咗冇耐就到，非常迅速。一啖食落去，芝麻味即刻喺口腔入面爆發，就算係凍芝麻糊都係噉話，好耐冇食過噉夠味嘅芝麻糊。停唔到口，唔夠三分鐘已經食晒落肚，極之滿足。食飽事被朋友發脾，話我一啖都冇諗過留畀佢食😂。真係唔好意思呢，好耐冇遇到噉好食嘅芝麻糊😫 一路都停唔到口！另外鋪頭保留傳統裝潢，在我眼中係既實又華。喺細卡位、紙皮石地下嘅陪伴下，碗糖水格外味美🤤。最後提提大家，「明記咖啡糖水小食」位於西灣河街一斜路上，有藍色鋪面，唔好同另一間於平地上嘅「明記甜品」撈亂呀！