Mamaday (Closed)

🎀Mamaday⭐Lunch set芥末燒汁牛柳蛋包飯凍烏冬（柚子、胡椒、蔥油、明太子、仲有香辣雞絲、炸雞翼）炸魷魚圈 Mamaday 係一間出曬名行搞笑裝修路線嘅餐廳, 所以本身都預左裝修應該會好有趣, 但係一入到去呢, 就覺得佢比我想像中更加得意。基本上每一樣嘢都加咗 d gag, 例如用緊嘅餐碟有搞笑版英女王頭像、餐牌入面嘅插圖都有好可愛嘅圖案, 同朋友傾下呢 d fun things, 真係忍唔住一齊笑出黎。 而係食物方面, Mamaday 行fusion路線。我地叫咗一個芥末燒汁牛柳蛋包飯同埋一個凍烏冬再加咗個小食炸魷魚圈。 我覺得炸魷魚圈係必叫, lunch set 加一份先 28蚊, 但係佢都唔少, 而且魷魚圈本身好彈牙, 又炸得熱辣辣, 啱哂做餐前小食。 芥末燒汁牛柳蛋包飯我就覺得味道好有趣, 一開始食嘅時候覺得有好熟悉嘅味道, 食咗幾啖就發覺有日式咖哩再加埋芥末嘅感覺, 加上牛柳肉味十足, 都係一個好好食嘅蛋包飯嚟嘅。 至於明太子拌凍烏冬都好特別, 因為佢係酸酸甜甜嘅味道, 感覺好開胃, 加埋嘅雞胸肉食落好健康又好fresh, 夏天嘅時候推薦大家食呢道菜ar。 Add