Maki拉麵 (Closed)

見芫茜谷介紹過即刻黎試下，話晒都係芫茜控吖嘛，無理由唔黎食。兩點幾黎到，店內有五、六枱客，個個都係一坐低就叫碗拉麵同串燒，完全唔使睇餐牌，睇黎全部熟客黎喎。店員送上螺肉、冷水同落單字，拉麵有四款常註同兩款期間限定，第二版有串燒、小食同飲品等。芫茜豬骨湯拉麵點單後約十分鐘就有得食了，一上枱見到咁多綠色真心正，滿滿的芫茜啊～除咗芫茜，仲有雞肉卷、蟹棒同一隻紫色溏心蛋。隻蛋好特別，外面深紫色，入面勁流心，甜甜地仲好有蛋味。湯底好香芫茜味，拉麵有咬口，好食好食。太正，飲晒全碗湯。燒雞皮個個客都叫串燒，唔執輸整返兩串先，燒得香口脆卜卜，咬落滿口雞油好正。玄米茶天氣咁熱整返支凍茶，無糖茶飲多啲都無壓力。櫻花蝦辣椒油原來小店滿一週年，食拉麵有辣椒油送，隔離熟客話支油好正，佢日日黎食碗麵，儲多幾支辣椒油。