芭堤雅小島泰式餐廳 (Closed)

今日同友人去馬灣食飯，面向沙灘同埋青馬大橋有好多食肆，我哋揀咗一間最底層嘅泰國餐廳食。 我哋揀咗喺外面望海嘅一張枱，當時六點幾太陽仲未落山，所以外面都仲有位，坐定咗之後就開始叫嘢食，叫咗一碟馬介休炒通菜，一碟泰式炒飯，一杯生啤，同埋一碟香芒糯米飯。 等咗大約十分鐘，馬介休通菜首先送上，之後泰式炒飯亦都送上，通菜分量雖然不算很多，但係好入味同好野味。 至於個泰式炒飯，分量係足夠嘅，入邊仲有啲橄欖，味道不過不失。 之後係香芒糯米飯後上，個糯米飯有兩層底層係白糯米面層係黑糯米，椰汁亦都有好多，個糯米同埋啲汁都幾好味。