Video
Read full review
2014-10-02
258 views
4月28日, 今日去觀塘影低我地珍貴嘅大肚相~ 行到去工廠大廈一帶, 難得有個靚靚仔仔嘅東廣場, 就入去搵食啦~ 又好耐無食過花園餐廳, 所以試下~::: 安格斯拼豬肉漢堡 + 凍檸茶 ::: $48 + $2餐湯要了羅宋湯, 酸酸甜甜又帶微辣, 湯料都落得好足~ 算不過不失啦! 餐包呢都係叮熱嘅來貨料, 搽埋牛油都叫軟熟可口.典型港式西餐, 賣相都係求求其地煎好塊扒就上碟. 出奇地安格斯份量都幾多, 有成兩大塊. 呢d雪藏肉唔算醃得太霉, 咬落肉質仲頗煙韌, 不過肉味就唔係濃架喇, 係靠d蒜茸汁點綴下. 另外塊豬肉漢堡其實都係d現成野, 略略煎下都無乜好講. 伴碟都係d完全唔match嘅灼白菜、車里茄同d雜豆咁...凍檸茶大大杯, 少甜少冰都乎合要求~ 唔錯.::: 黑椒雞扒拼煙鴨胸 + 茶走 ::: $46忌廉湯杰度唔夠, 好彩味道撘夠, 有少少肉味吊下味~ 亦都好在個湯唔係咁杰, 可以留番多d個肚食飯~黑椒雞扒煙鴨胸上枱, 塊雞扒好大塊, 相比之下煙鴨胸只有一塊就好少... 都對呢d雪藏野嘅肉味冇乜期望, 都主要靠個汁去加味, 黑椒汁係典型港式醬汁, 辣辣地十分惹味~ 仲要講呢個
::: 安格斯拼豬肉漢堡 + 凍檸茶 ::: $48 + $2
餐湯要了羅宋湯, 酸酸甜甜又帶微辣, 湯料都落得好足~ 算不過不失啦! 餐包呢都係叮熱嘅來貨料, 搽埋牛油都叫軟熟可口.
典型港式西餐, 賣相都係求求其地煎好塊扒就上碟. 出奇地安格斯份量都幾多, 有成兩大塊. 呢d雪藏肉唔算醃得太霉, 咬落肉質仲頗煙韌, 不過肉味就唔係濃架喇, 係靠d蒜茸汁點綴下. 另外塊豬肉漢堡其實都係d現成野, 略略煎下都無乜好講. 伴碟都係d完全唔match嘅灼白菜、車里茄同d雜豆咁...
凍檸茶大大杯, 少甜少冰都乎合要求~ 唔錯.
::: 黑椒雞扒拼煙鴨胸 + 茶走 ::: $46
忌廉湯杰度唔夠, 好彩味道撘夠, 有少少肉味吊下味~ 亦都好在個湯唔係咁杰, 可以留番多d個肚食飯~
黑椒雞扒煙鴨胸上枱, 塊雞扒好大塊, 相比之下煙鴨胸只有一塊就好少... 都對呢d雪藏野嘅肉味冇乜期望, 都主要靠個汁去加味, 黑椒汁係典型港式醬汁, 辣辣地十分惹味~ 仲要講呢個飯碟頭好大, 夠晒飽~
茶走調教得錯, 煉奶同茶比例都啱口味, 不過唔太夠熱.
呢間花園餐廳比其他分店裝修光鮮乾淨, 冷氣夠晒凍, 而食物亦算係不過不失. 於觀整體都算唔錯~
Post
