五季禪食 (健康工房) (Closed)

朋友相約去花墟買花，行完幾圈終於搵齊，佢就提議可以去五季禪食食甜品兼休息下。五季禪食位於活化了的唐樓，裡面的裝潢走warm tone，推行「養生飲食」。餐牌有鹹食，有甜品，由於只係坐低休息下，所以叫甜品食。每款甜品都會講有咩功效同適合什麼體質人士進食，而我同朋友就選擇百合蓮子南瓜露和香芋椰汁西米露，兩樣都係熱辣辣上桌，如果趕時間就唔好點熱糖水，會食唔切呀！百合蓮子南瓜露 有健脾益肺、清心安神，南瓜露入口好順滑，熱食仲有好溫和的感覺，食得出好養生。香芋椰汁紫米露無論嗅覺同味覺都可以食到香芋味，有健脾養胃、紅潤面色的功效，而且食完仲好飽肚添！