品茶弄啡 (Closed)

踏入尖沙咀，你會見到無數間珍珠奶茶店鋪，由於唔想花時間同人鬥排隊，所以經過呢一間品茶弄啡，俾佢簡約而有格調嘅裝修吸引左。再望一望佢嘅Menu，飲品選擇比起一般嘅店舖多。呢期梗係唔少得一定要飲杯芝士奶蓋啦，所以叫咗杯願望鐵觀音；另外，由於男朋友揸車揸到好攰，所以就叫咗杯手抄黑糖珍珠鮮奶咖啡俾佢。而家喺市面上唔難飲到芝士奶蓋，但係我欣賞佢呢一杯因為佢嘅奶蓋好實身好綿，芝士味濃；奶蓋面仲好有誠意地整埋自己店舖名，呢種小心思值得讚賞。至於杯黑糖珍珠鮮奶咖啡，珍珠好有咬口，我男朋友都好欣賞佢香濃嘅咖啡味。