糖蓮子 (Closed)

星期六嘅晚上十一點幾..食完飯有啲肚餓..嚟到紅磡附近都好多糖水舖～最後去咗朋友推介嘅「糖蓮子」～好彩可能都夜，唔駛排隊直入有位坐！雙面menu密密麻麻勁多款式，有選擇困難症嘅人係應該好難揀食到乜。哈哈。最後我地揀咗比較出名嘅「Baileys雲呢拿雪糕紅豆冰」同埋「美女與野獸」。個Baileys雲呢拿雪糕紅豆冰食落都有驚喜，就算啲冰溶晒，食到最尾都有好濃烈嘅baileys酒味😋鐘意baileys嘅朋友值得一試😊至於「美女與野獸」，其實就係朱古力蛋糕同埋雲呢拿籽奶凍～呢個甜品需要比較等候多啲時間，可能個蛋糕即焗？因為食落係微暖的～對比之下都係覺得baileys紅豆冰比較特別。店員態度親切，下次嚟開紅磡都一定會再嚟嚟試試其他甜品！