三姐廚房私房菜 (Closed)

早兩日訂 15個大人，訂最基本每位288，另加4份318 海鮮拼盤，最後當日加多1位。食之前上黎睇過，食完後都讚同翡翠明珠幾特別，唔錯，炒蟹味道亦很好， 鱷魚肉湯十分味美好飲。 可惜材料一般，明珠所用既帶子小且薄，蟹的肉亦很削，並不飽滿，所以埋單請一個生日後每人要444覺得十分不值。海鮮拼盤中的鮑魚是最鮮味，但蟹和蝦都不太新鮮。另外我地1行16人只有一隻雞和一條魚，所以我諗6個人去應該比較化算和飽肚，因為都係一雞一魚，雖然魚細條啲，但比例上一定都較多。總結黎講，呢個價錢對食物質素都好有期望，可惜海鮮不夠新鮮，只是個別菜式有特色和能容納我地咁多人。