十二味貴陽牛肉粉 (Closed)

第二次來店，第一次來嘅時候呢個舖位只有而家嘅一半咁大，我諗應該係生意好掛，而家有兩個舖位，比起之前起碼多左十幾張枱。購買嘅形式都仲係喺門口嘅收銀處先揀食物，俾錢。跟住就攞個牌去自己嘅位，等待服務員送餐俾你。做食物嘅速度都算好快，買完之後坐低大概3分鐘已經上第一款食物，其餘果兩款食物都係2分鐘之內送到。我鍾意食佢呢一個牛肉粉，係因為好鍾意佢嗰陣味道，而且佢仲可以加佢獨有嘅麻子，即係花椒。佢呢隻花椒未加落去嘅時候已經好香，食落口時有一陣麻嘅感覺，覺得好過癮。本身嘅牛肉湯底味道好清，辣味非常之夠，連我平時比較鍾意食辣嘅，食個小辣已經覺得好辣。牛肉係用左牛輾切粒，炆得好淋，有肥有瘦。但我覺得可能切得太細，無左牛嗰種口感。我呢一個係一個餐，70幾蚊有一個餐＋1個小食。我嘅小食揀咗拍青瓜，呢一個拍青瓜味道中等。醋味好重，仲有蒜頭的味道，辣就唔多覺。另外仲加左個手撕雞，呢個手撕雞感覺一啲都唔好食。佢除咗雞之外好似夾雜咗一啲瘦肉，食落去兩種肉嘅質感都非常韌，而且味道唔太有創意，只有辣味同酸味。仲記得第一次去食嘅感覺非常之好，個湯底比較濃，有心思。現在就無左呢份感覺。唯一不變嘅相信就係佢嘅花椒粉，都係甘