蚊蚊豬老火鍋 (Closed)

又到佐2021年既尾聲喇，見今日天氣凍凍地，最岩就係放工約埋另一半去食暖笠笠既打邊爐。今次就食依間係深水埗既火鍋店，望下個餐牌，仲以為自己眼花。依間店竟然有多款火鍋選擇，羊腩煲（期間限定一鍋）雞煲同烤魚選擇，仲要係比一個價錢就可以係兩小時內任叫任食各款煲底同魚生刺身，一次過滿足晒你多個願望，直頭係大胃王同吃貨既天堂。今次就點佐條萬州烤魚配上泡椒湯底，魚肉外脆內滑，湯底又唔會太辣。除佐鍋底外，佢d火鍋料同飲品都可以任食，唔單止有近年好有人氣既封門柳同牛板鍵而且佢竟然有我至愛既鴨腸鴨血任食，真係好有驚喜！最後埋尾緊係唔少得嘆番幾杯雪糕解下辣，餐廳有一款叫Gelato既意式雪糕，有多個口味任你拎，我自己就最欣賞佢個黑芝麻味，非常香濃。