山東小城 (埃華街)

Open Now

Now Closed

餐廳人氣高，環境雖小，大約25個座位，但等位唔算好耐。當日晚市8點左右到，已經滿座。墨魚荸薺餃($58)，為左佢而黎。黑皮餃隻隻飽滿大粒，燙熟後上碟。入面既馬蹄脆身增加口感，d湯汁流出黎。加入醋食調味。豬扒擔擔麵($54)，超香花生味，超好飲，勁濃，湯底仲有dd花生碎粒。豬扒入味焦香，有2塊中型size。最出色係個湯。雞撕粉皮($50)，又係花生醬，尼個‘傑’身d，但唔膩。雞絲嫩夠凍，粉皮彈下彈下，鍾意食花生醬既唔好錯過。整體，食物出菜快手，侍應有禮，小店有心機烹調。見到廚房d職員人手包餃子添。