任點美食 (Closed)

平時過灣仔食飯，經常都經過呢間任點車仔麵店，但係從來都冇入去試過。直到今日，有個同事去食完大力推介呢間車仔麵，所以中午就去咗買個外賣試吓。聽朋友講，呢度啲花膠大大塊超抵食，所以我就揀咗花膠、豬軟骨同埋魚腐，面既種類揀左粗面。買單都只係用咗$47。我叫完無奈，佢就整好左比我，真係好快手。拎到返公司一打開，見到大半碗都係餸嚟，我急不及待開始食。啲豬軟骨好淋，好好味。花膠佢比左幾大塊我，花膠同魚腐亦超級入味。食完真係飽到要行下商場先消化到，性價比超高既一間鋪👍🏻