Video
Read full review
2020-06-23
3604 views
女朋友知我鐘意食海鮮，所以生日就揾咗呢間自助餐同我慶祝 😍 酒店交通十分方便，鄰近火車站，步行五分鐘就到，而且又可以揸車，消費滿 $280 蚊就有一小時免費泊車，如此類推。餐廳環境寬敞，而且樓底亦幾高，枱與枱之間都有適當嘅距離，依家網上訂座重有 78 折優惠添 👍🏻 入座前基本程序，探熱加搓手液，之後侍應就會安排座位，酒店為安全起見，將攞食物既地方圍成一個圈，變成得一個入口兩個出口，而係入口處就會有一位侍應全天候咁企係度，每位顧客入去攞嘢食前，都要領教下侍應枝搓手液先可以入場，如是者呢晚我大大話話都洗咗三，四十次手。海鮮區有蝦、長腳蟹、青口、小龍蝦等等，不過竟然冇龍蝦同翡翠螺，有點失望呀 😞 特登每款都試試睇下味道如何，長腳蟹見好多人攞，不過自己食咗兩隻左右就無食，因為真係超級咸 🥴 小龍蝦亦係好咸 🥴 蝦雖然好大隻，但係啲肉好實，唔知係咪衛生問題，所以特登整熟啲，如果食多幾隻真係會頂胃。刺身區更加係慘不忍睹，三文魚、八爪魚、北極貝通通都無，淨係得赤蝦、希靈魚同吞拿魚，相反熟食區就好啲，款式種類都幾多，而且有啲重幾特別，例如葡汁焗海鮮，好好味所以都食咗幾碗。另外鮑魚，花膠都係任攞，而且
餐廳環境寬敞，而且樓底亦幾高，枱與枱之間都有適當嘅距離，依家網上訂座重有 78 折優惠添 👍🏻 入座前基本程序，探熱加搓手液，之後侍應就會安排座位，酒店為安全起見，將攞食物既地方圍成一個圈，變成得一個入口兩個出口，而係入口處就會有一位侍應全天候咁企係度，每位顧客入去攞嘢食前，都要領教下侍應枝搓手液先可以入場，如是者呢晚我大大話話都洗咗三，四十次手。
海鮮區有蝦、長腳蟹、青口、小龍蝦等等，不過竟然冇龍蝦同翡翠螺，有點失望呀 😞 特登每款都試試睇下味道如何，長腳蟹見好多人攞，不過自己食咗兩隻左右就無食，因為真係超級咸 🥴 小龍蝦亦係好咸 🥴 蝦雖然好大隻，但係啲肉好實，唔知係咪衛生問題，所以特登整熟啲，如果食多幾隻真係會頂胃。
刺身區更加係慘不忍睹，三文魚、八爪魚、北極貝通通都無，淨係得赤蝦、希靈魚同吞拿魚，相反熟食區就好啲，款式種類都幾多，而且有啲重幾特別，例如葡汁焗海鮮，好好味所以都食咗幾碗。
另外鮑魚，花膠都係任攞，而且重有鵝肝添 😍 超大方，唔似有啲酒店咁麻煩每次限攞一件，雖然係任攞，但係大家都要珍惜食物，唔好眼大肚細，所以當晚變咗食呢幾樣無嘜點食海鮮，因為海鮮真係唔多掂。🍰 🍧 🧁 🍨 🍰 🍧 🧁 🍨 🍰 🍧 🧁 🍨 🍰 🍧 🧁
甜品區都幾大，驟眼睇甜品種類都幾多，不過因為食鮑魚花膠鵝肝都食到好飽，所以無試過甜品。
💵 💵 💵 💵 💵 💵 💵 💵 💵 💵 💵 💵 💵 💵 💵
整體嚟講，鐘意食海鮮既人，真係要睇彩數，睇下當晚有無龍蝦、凍鮑魚、翡翠螺果啲，如果有就發達了。
Post
