至尊滿屋日本料理 (Closed)

而家一街都係放題，每間食物選擇都差不多，點樣突圍而出真係一個幾大嘅考驗，今日同朋友就黎咗旺角嘅滿屋，一齊睇下佢有乜過人之處。好多放題都將枱與枱間擺到好近想做多幾枱客，但呢到地方企理之餘，枱間距離都可接受，保持一定私人空間。先講刺身，以價錢黎講，可選擇項目都算合理，我都叫過嘅三文魚，吞拿魚，大赤蝦，翡翠螺，帶子，每樣都厚切唔小家，仲好新鮮，唔錯。佢地呢到主打創意壽司，味道唔錯仲幾有驚喜，當中推薦法式芥末象拔蚌壽司，意大利黑醋帆立貝，新穎得黎又唔怪，仲幾好食添。女士們又點可以唔滋補下呢，最令我深刻嘅係佢地嘅花膠系列，一黎鍾意食「膠」，二黎佢地嘅份量厚又入味，烹調功夫做得幾好，有吉品鮑汁燴花膠盛宴&花膠鍋，鍾意食放題又想順便養下顏嘅女士們就唔好錯過喇。