White Hse. (Closed)

同好姊妹假日食tea, 來到呢間以花做主題嘅樓上Café食野打卡。餐廳面積不大, 還好有預先book檯。特別係呢片紅玫瑰花牆, 非常吸晴。Menu上展示每款食物圖片都好吸引, 好姊妹係素食者都有選擇。紫醉金迷 HK$208賣相靚到完全搞不清係藝術品定意大利飯, 色彩繽紛嘅食用花、菜葉同埋金箔堆積著, 飯底用上了紫椰菜煮成紫色, 再配上兩隻香草蒜蓉芝士開邊大蝦、蜆, 飯底比較杰身, 味道不太特別, 食唔出係紫椰菜染成, 蝦幾爽, 蜆有dd鹹味。賣相取勝!金箔黑松露雜菌蝴蝶粉 HK$141普通蝴蝶粉居然都有金箔同食用花喺上面, 黑胡椒味比黑松露味突出, 清清地, 岩哂素食朋友。蝶豆花綠茶 HK$45好完美嘅分層色, 整杯飲品攪拌後只有極微甜, 飲咗都唔怕肥。Easter Cookie Cup HK$86樽裝鮮奶, 配上餐廳自家製曲奇杯, 將鮮奶倒入杯中飲用, 飲完仲可以食埋隻杯落肚。