Artisan Room (Closed)

返完學見無野做就諗住係學校附近温下書，做下野，經過見到artisan room環境唔錯，就入去坐底左。行近櫥窗見到一個個圓圈好似donut 嘅蛋糕。佢地分別有士多啤梨同西柚芒果味。底層係軟熟嘅海綿蛋糕，中間有層香滑嘅奶凍，而最上面就係一層啫喱包住鮮果同花。兩款蛋糕都係走夏天路線，味道清新，有淡淡果香。當中，我認為grapefruit and mango ring 更為好味，因為相較strawberry ring,mango ring嘅味道更為突出，甜中帶酸，好有盛夏嘅感覺。而strawberry ring 嘅味道較單調，但係賣相比mango ring 吸引。所以當天去到餐廳，見士多啤梨味嘅銷量更高。其實2件都好似藝術品，望左好耐都唔捨得食。