Food Garden ETC (Closed)

D2 Place每逢假日人山人海🤯，繁忙時間每間餐廳都極多人。所以👫六點就即刻試下呢間花草系cafe，唔使等位成功直入🤪。🍕松露醬雜菌芝士手工薄餅 $108薄餅邊香脆，中間部份保持鬆軟。松露醬唔算好出，但雜菌落得夠多，香氣十足亦有爽脆口感。雖然芝士好多但一啲都唔油膩。🍴慢煮羊架 $238每份有四支骨。我哋揀咗五成熟，效果合乎預期。羊肉顏色粉嫩，肉質嫩滑。🥠香蕉班戟配朱古力雪糕 $48薄薄嘅可麗餅包住香蕉片🍌同蛋白霜。蛋白霜比起忌廉輕盈得多。即使加上雪糕、糖漿同朱古力針，整體香甜但唔會膩。🍋薄荷青檸梳打 $58薄荷葉嘅份量遠比青檸多。清新消暑。