花見日本料理 (Moved) New Location

最近真係好多新餐廳開張，對於香港人來講一定係一件好事，不過對我來講，如果係開日式餐廳就更加開心啦。上星期嚟咗位於銅鑼灣嘅花見日本料理，啲裝修超有日本feel ,而且個老闆娘都好有日本人感覺。刺身拼盤上枱，呢度啲刺身都非常新鮮，我最鍾意食拖羅刺身，魚油勁香勁吸引，仲有帶子刺身同埋赤背刺身，既鮮甜又彈牙，赤貝好爽口！香炸雞爪雞爪真係第一次食，估唔到呢一個部位都可以拎去炸，不過又幾好食，餐廳炸得非常香脆，而且炸漿調味啱啱好，咬落脆脆的，有少少似食緊雞軟骨。特色天掃羅呢度有好多食物都係餐廳廚師自己研發出嚟，就好似呢一碟天婦羅，師傅用青椒包住魚肉，再拎去炸，幾香脆又美味！蝦丸湯呢碗蝦丸湯一定要推介！蝦丸係餐廳自己用新鮮蝦搓出嚟，再配上日式清湯，感覺幾清新又可口，鮮蝦味非常香濃。最後我哋叫咗啲飲品，分別係抹茶雪糕沙冰同埋士多啤梨雪糕沙冰，賣相吸引，推介抹茶雪糕沙冰，因為抹茶雪糕夠哂軟滑，抹茶味香！