Video
Read full review
2024-05-17
275 views
呢晚過咗奧海城食飯，經過樂天經典見到呢個二人套餐勁吸引🤩主打四款唔同煮法嘅蟹可以揀其中一款💖花雕雞油蒸螃蟹🦀螃蟹比我想像中大隻，味道非常之鮮甜！蟹鉗、蟹腳都超多蟹肉！底下嘅蒸蛋白除咗有蟹嘅精華之外，仲有啲雞油香，超好送飯啊😋椒鹽香酥鮮淮山平時我都鍾意食炒淮山😌估唔到呢度會將淮山拎嚟椒鹽炸🥰表面脆卜卜，出奇地好食喎！脆脆咕嚕肉呢度嘅咕嚕肉味道比坊間嘅酸，同埋好重蕃茄味！咕嚕肉粉漿炸到脆卜卜，成件事好邪惡😆臘味炒飯炒飯炒到粒粒分明，裏便有好多鹹鹹香香嘅臘腸！仲有好多冬菇粒，口感非常豐富❤️清心丸綠豆爽甜品方面呢碗清心丸綠豆爽，清心丸煙煙韌韌！軟腍腍嘅綠豆配上爽脆嘅馬蹄，食落超過癮！熱豆漿套餐同包埋兩杯飲品，我同朋友都要咗濃厚嘅無糖豆漿😇小食爽脆又酸酸甜甜嘅啪青瓜🥒清爽又開胃！
主打四款唔同煮法嘅蟹可以揀其中一款💖
花雕雞油蒸螃蟹🦀
螃蟹比我想像中大隻，味道非常之鮮甜！
蟹鉗、蟹腳都超多蟹肉！
底下嘅蒸蛋白除咗有蟹嘅精華之外，仲有啲雞油香，超好送飯啊😋
椒鹽香酥鮮淮山
平時我都鍾意食炒淮山😌
估唔到呢度會將淮山拎嚟椒鹽炸🥰
表面脆卜卜，出奇地好食喎！
脆脆咕嚕肉
呢度嘅咕嚕肉味道比坊間嘅酸，同埋好重蕃茄味！
咕嚕肉粉漿炸到脆卜卜，成件事好邪惡😆
臘味炒飯
炒飯炒到粒粒分明，裏便有好多鹹鹹香香嘅臘腸！
仲有好多冬菇粒，口感非常豐富❤️
清心丸綠豆爽
甜品方面呢碗清心丸綠豆爽，清心丸煙煙韌韌！
軟腍腍嘅綠豆配上爽脆嘅馬蹄，食落超過癮！
熱豆漿
套餐同包埋兩杯飲品，我同朋友都要咗濃厚嘅無糖豆漿😇
小食
爽脆又酸酸甜甜嘅啪青瓜🥒清爽又開胃！
Post
