炑八韓烤 (歐亞銀行大廈) (Closed)

早早book 枱食頭輪， 唔洗等。一行6人叫左 海鮮烤肉/ 烤肉 set 各2, 單點牛舌， 豆腐泡菜海鮮湯， 炸醬麵， 最後係團購左2隻嘅醬油蟹。set 嘅份量都ok, 只有牛仔骨有醃， 其他都係raw。由於係無醃嘅關係， 所以肉靚的話食原味係無問題。 但個人認為都係醃左去好啲。醬油蟹係團購價$168/隻， 如果當場叫$268, 就有d 貴。味道幾鮮， 蟹蓋d 膏撈埋飯食一流.可惜炸醬麵不是我杯茶， 豆腐泡菜海鮮湯份量夠6個人飲，如果味道唔夠濃。 由於叫set, 可以無限添食爐邊泡菜蛋/芝士粟米。 最後講環境， 枱與枱之間夠闊落， 但可惜冷氣不足， 邊食邊 😓燒烤板已經濃晒， 但都無人主動嚟換。要叫先換 😑, 有別於食過嘅韓燒餐廳， 密密換，怕你d 燒肉有焦燶。90分鐘話禁快就完， 大家都食得好飽飽。希望日後會有想嚟嘅衝動啦。