咲の木 (Closed)

星期日當大家去效遊時，我諗住蘇豪區少人，所以去左揾食。見到這間店新開不久，於是入去試下。雖然門面比較西化，但其實係以日式食物為主。我叫左個最簡單嘅刺身飯，朋友叫左個泡菜豬肉飯。刺身飯雖然唔係太特別，但以佢個地點嚟計，都算抵。反而值得一提係佢個Wasabi，非常高質，好明顯係即磨，仲要好好味。朋友話個泡菜豬肉飯辣度適中，豬肉都好味，價錢仲唔貴。小店另一個賣點係有多款啤酒。可能因為新開，見到店員俾隔離枱試左幾款啤酒，最後隔離枱叫左兩杯黑啤，聽唔清楚係邊款。