Video
Read full review
2024-01-28
122 views
🍜樂麵 (將軍澳) 📍有日喺社交平台拉麵關注組度見到，有人問「將軍澳有咩好食嘅拉麵？」，見到下便啲人答，新開嘅「樂麵」。就一直book mark咗呢一間🏷️，打算想食拉麵嘅時候去食，點知結果勁失望😓。🍴琥珀之味 — 醬油清湯 「特盛版」+雞肉 $108 + $20雖然標題寫咗苦嘅拉麵😞，但以事論事，以呢個價錢，佢肉嘅份量算係比一般拉麵多，而又有成隻蛋🥚，唔係半隻。不過我哋係重質不重量，佢本身包咗豚肉同埋雞鴨肉，呢兩樣就不過不失；我哋額外加咗雞肉，嗰雞肉唔知點解有浸淡淡嘅苦味🤯，唔知係咪浸住鹼水煮，而個糖心蛋亦都overcooked，已經唔再流心了😭。重點係個湯底‼️，唔知點解又係苦🤢，唔係好識形容嗰種苦味，有啲似藥材、又有啲似過多嘅鹼水，上網見啲人話好伏着醬油湯會有苦味，懷疑就係講緊呢啲一隻苦味👎🏻，但個麵質係ok嘅。🍴真熬雞白湯 「特盛版」$143佢個湯底第一淡飲落去都幾濃厚，但細味多陣，又係有一絲嘅苦味😔，不過已經好過醬油湯，呢個只係淡淡。🍴日式煎餃 六隻 $25估唔到呢個煎餃🥟，會係全餐飯最好食嘅嘢😂；皮薄肉多，又煎得夠脆✨；仲要先$25有六隻，係成餐飯食過最滿意嘅嘢🤣。💰 翻兜指數
有日喺社交平台拉麵關注組度見到，有人問「將軍澳有咩好食嘅拉麵？」，見到下便啲人答，新開嘅「樂麵」。就一直book mark咗呢一間🏷️，打算想食拉麵嘅時候去食，點知結果勁失望😓。
🍴琥珀之味 — 醬油清湯 「特盛版」+雞肉 $108 + $20
雖然標題寫咗苦嘅拉麵😞，但以事論事，以呢個價錢，佢肉嘅份量算係比一般拉麵多，而又有成隻蛋🥚，唔係半隻。
不過我哋係重質不重量，佢本身包咗豚肉同埋雞
鴨肉，呢兩樣就不過不失；我哋額外加咗雞肉，嗰雞肉唔知點解有浸淡淡嘅苦味🤯，唔知係咪浸住鹼水煮，而個糖心蛋亦都overcooked，已經唔再流心了😭。
重點係個湯底‼️，唔知點解又係苦🤢，唔係好識形容嗰種苦味，有啲似藥材、又有啲似過多嘅鹼水，上網見啲人話好伏着醬油湯會有苦味，懷疑就係講緊呢啲一隻苦味👎🏻，但個麵質係ok嘅。
🍴真熬雞白湯 「特盛版」$143
佢個湯底第一淡飲落去都幾濃厚，但細味多陣，又係有一絲嘅苦味😔，不過已經好過醬油湯，呢個只係淡淡。
🍴日式煎餃 六隻 $25
估唔到呢個煎餃🥟，會係全餐飯最好食嘅嘢😂；皮薄肉多，又煎得夠脆✨；仲要先$25有六隻，係成餐飯食過最滿意嘅嘢🤣。
💰 翻兜指數: 0.1/10
除非嗰日真係好想好想好想x n食拉麵，又唔想出遠啲食，先可能會揀佢。
重要qr code 落單，水又係放喺前面自己斟💧，除咗入去帶位同上餸之外，完全冇其他嘢要幫手，咁都要收服務費加一🙄。下次使唔使俾埋廚師費，話晒個廚幫手煮得咁辛苦啊😊。
雖然我知而家好多餐廳都係qr code 落單，但都收加一，但起碼人哋會幫手斟水吖🚰，我條氣都順啲吖，話晒都叫有「serve」到我。
Post
