Video
Read full review
2018-08-22
51 views
今日係觀塘商貿區傾完生意，約咗朋友係呢區黎個即興聚會。朋友介紹返呢區有間格調高雅的西式快餐廳，一於試下。我叫咗個安格斯牛肉漢堡配脆薯皇。漢堡係新鮮即整，重點係塊漢堡俾少少力壓落去，仲見到啲肉汁流出黎。漢堡中間夾住啲生菜，咬落口索索聲，就知幾爽啦！漢堡裡的芝士入口即融，有驚喜。講句公道話呢個真係基本要求，只係好多漢堡包店都做唔出。仲有番茄，幾新鮮，合格。脆薯皇上菜時仲熱辣辣，呢個真要小心燙口。香口野真係越食越想食，味道控制得剛剛好，唔會太淡亦唔會太咸。加十蚊有野飲，我點咗杯巨峰乳酸梳打，Ok la, 漢堡包脆薯皇，配凍飲剛好。其實餐廳仲有啤酒供應，不過之後要揸車，唯有忍忍口。我見到都有幾款啤酒揀，包括我覺得最易入口的1664。朋友點的山賊醬燒燻蹄，份量超多lor!朋友話唔想食飯，所以加$8轉蕎麥冷麵。朋友的紅豆抹茶奶茶我地點多一客唐揚炸雞，兩個人share剛剛好。炸雞係即炸的，香脆可口。環境好舒服呀，空間感一流，裝修係走英倫工業風，格調高雅，似英式Café多過似快餐店，最岩放咗工同幾個朋友黎食飯吹水，減減壓、享受生活。最後見到餐廳有蛋糕，叫咗一件朱古力松露蛋糕，兩個人share, 為呢次
朋友介紹返呢區有間格調高雅的西式快餐廳，一於試下。
我叫咗個安格斯牛肉漢堡配脆薯皇。漢堡係新鮮即整，重點係塊漢堡俾少少力壓落去，仲見到啲肉汁流出黎。漢堡中間夾住啲生菜，咬落口索索聲，就知幾爽啦！
漢堡裡的芝士入口即融，有驚喜。講句公道話呢個真係基本要求，只係好多漢堡包店都做唔出。仲有番茄，幾新鮮，合格。
脆薯皇上菜時仲熱辣辣，呢個真要小心燙口。香口野真係越食越想食，味道控制得剛剛好，唔會太淡亦唔會太咸。
加十蚊有野飲，我點咗杯巨峰乳酸梳打，Ok la, 漢堡包脆薯皇，配凍飲剛好。
其實餐廳仲有啤酒供應，不過之後要揸車，唯有忍忍口。我見到都有幾款啤酒揀，包括我覺得最易入口的1664。
朋友點的山賊醬燒燻蹄，份量超多lor!
朋友話唔想食飯，所以加$8轉蕎麥冷麵。
朋友的紅豆抹茶奶茶
我地點多一客唐揚炸雞，兩個人share剛剛好。炸雞係即炸的，香脆可口。
環境好舒服呀，空間感一流，裝修係走英倫工業風，格調高雅，似英式Café多過似快餐店，最岩放咗工同幾個朋友黎食飯吹水，減減壓、享受生活。
最後見到餐廳有蛋糕，叫咗一件朱古力松露蛋糕，兩個人share, 為呢次聚會畫上完美的句號。
Post
