Muse Furniture Lab (Under Renovation)

早年已經知道餐廳存在，IG 見到菜式細緻而大為驚艷😍所以預早訂左餐廳食一個華麗午餐，以免大失預算。好在餐廳戶外有一片空地泊車，揸車到最方便。🚗餐廳室內可以容納二十多人，以暗黑歌德式裝風格裝橫，同外面田園清新風好大反差。天花板大水晶燈營造華麗神秘感覺！黑松露香煎帶子大蝦法式可麗餅 $168薄餅包住大量椰菜，充滿口感，加上酸酸甜甜千島醬好開胃。中間流心蛋好治癒，兩隻燒大蝦及黑松露帶子，配搭食用花是點晴之作。溫泉蛋燒汁牛仔肉意大利粉 $168以日式做法製作意大利粉充滿驚喜，牛柳條鮮嫩入味，配上微甜燒汁，一口接一口。田園柚子沙律 $148柚子肥大粒粒分明，可見細心及誠意，沙律菜清新爽脆。咖啡沙冰 $88呢個價錢絕對值回票價👍大量金薄點綴，立即提升華麗感，加上咖啡濃烈，沙冰綿密口感，夏日透心涼之選😌另一邊有間賣傢具嘅小房間，可以打卡影相，老闆好有心思將世界各地特色家品展覽及出售。