Catee (Closed)

位置荃灣嘅Catee，一行入餐廳就好似去左英國嘅小鎮酒吧咁。深色木系嘅裝修，加上牆上面懷舊嘅相架，令人有種好放鬆嘅感覺。全間餐廳仲有好多貓咪嘅擺設、公仔，可以俾客人打卡。⁡雜菌芝士多士雜菌有啲煙燻嘅味道，加上濃郁嘅芝士，一啖咬落去真係好滿足。⁡青蘋果沙冰多謝餐廳送嘅青蘋果沙冰，可以令口腔有清新嘅感覺，咁就可以用最清新嘅味覺ready食主菜！⁡烤紐西蘭肉眼牛扒伴香濃燒汁叫咗七成熟嘅肉眼牛扒，肉質鮮嫩有少少彈牙，配上濃郁香滑嘅忌廉薯蓉、鮮甜嘅蘆筍同埋迷你蕃茄。呢一個價錢絕對係性價比超值。如果鍾意食牛扒嘅朋友，可以叫五成熟會更加突出肉嘅鮮嫩。⁡香煎鱈魚柳伴牛油忌廉汁煎熟咗嘅鱈魚柳都有一種新鮮嘅感覺，完全冇遮住魚嘅鮮味。而且魚肉非常滑身，魚皮嘅部份都非常香脆。⁡2個主食都配有蘑菇菠菜忌廉湯，切碎左嘅雜菌粒完全融入個湯裏面。全部主菜都會配上超香滑嘅忌廉薯，但係份量真係比較多，一個女仔未必食得晒。男仔食嘅話就會覺得好抵！⁡烤棉花糖朱古力烤棉花糖入口即溶，加上底層滿滿嘅朱古力醬，配合消化餅。真係呢期最Hit嘅甜品，不過今次就略嫌朱古力醬唔夠結實。⁡抹茶芝士蛋糕千層抹茶芝士蛋糕食落去好有層次，而且唔會