Video
Read full review
2022-05-17
1252 views
🐖The Salted Pig🐖📍:荔枝角長順街15號D2 Place二期地下G02號舗⏰:12:00pm-10:00pm如果大家鐘意食西餐 又鐘意食豬既話 呢到就岩晒你啦😋 雖然話呢間係「豬」門店 但係都會有魚、海鮮既種類可以選擇 不過大部份嘅菜式都係用豬製作！唔同嘅肉質 唔同嘅部位 都可以試到😚餐廳既樓底好高 仲有個巨型吊燈 好有英式農家既設計風格 亦帶有工業泥水風👍🏻連個餐碟都用左小豬做設計😂🐷Knuckle招牌德國鹹豬手 豬手一上枱好誇張 足足有1kg 餐廳好貼心咁切開晒啲肉 方便進食 製作過程一啲都唔簡單 豬手經過三日三夜鹽水沉積 低溫慢煮+高溫油炸 令到外表酥脆惹味😋做到皮脆肉嫩既效果👍🏻 豬手既鹹香味好突出🙈伴碟除咗有烤薯、酸菜同甘荀外 仲有好香濃既芥末籽忌廉汁👍🏻🦀太平洋蟹餅呢款真係必食😍兩大舊好似拳頭咁大嘅蟹餅 好厚身 外層炸到金黃酥脆 裏面有滿滿嘅蟹肉絲 新鮮惹味 食落充滿鹹香 再配埋香蒜蛋黃醬 格外開胃嘅小食！🍟小食分享拼盤念唔到想食邊款？叫晒佢咪得🙈岩岩好八款 四個人食岩岩好！拼盤有豬皮脆片、脆豬肋骨、兩個迷你牛肉漢堡、四隻香脆雞翼、酥脆魷魚圈、薯條、兩粒蕃茄芝
📍:荔枝角長順街15號D2 Place二期地下G02號舗
⏰:12:00pm-10:00pm
如果大家鐘意食西餐 又鐘意食豬既話 呢到就岩晒你啦😋 雖然話呢間係「豬」門店 但係都會有魚、海鮮既種類可以選擇 不過大部份嘅菜式都係用豬製作！唔同嘅肉質 唔同嘅部位 都可以試到😚
餐廳既樓底好高 仲有個巨型吊燈 好有英式農家既設計風格 亦帶有工業泥水風👍🏻連個餐碟都用左小豬做設計😂
🐷Knuckle招牌德國鹹豬手
豬手一上枱好誇張 足足有1kg 餐廳好貼心咁切開晒啲肉 方便進食 製作過程一啲都唔簡單 豬手經過三日三夜鹽水沉積 低溫慢煮+高溫油炸 令到外表酥脆惹味😋做到皮脆肉嫩既效果👍🏻 豬手既鹹香味好突出🙈伴碟除咗有烤薯、酸菜同甘荀外 仲有好香濃既芥末籽忌廉汁👍🏻
🦀太平洋蟹餅
呢款真係必食😍兩大舊好似拳頭咁大嘅蟹餅 好厚身 外層炸到金黃酥脆 裏面有滿滿嘅蟹肉絲 新鮮惹味 食落充滿鹹香 再配埋香蒜蛋黃醬 格外開胃嘅小食！
🍟小食分享拼盤
念唔到想食邊款？叫晒佢咪得🙈岩岩好八款 四個人食岩岩好！拼盤有豬皮脆片、脆豬肋骨、兩個迷你牛肉漢堡、四隻香脆雞翼、酥脆魷魚圈、薯條、兩粒蕃茄芝士肉丸和兩塊酸麵包多士 再配埋四種醬料🙈最有驚喜系佢地既牛肉漢堡同豬皮脆片 🍔雖然好細舊 但好足料 牛肉充滿肉汁 牛味濃郁 豬皮脆片好香口 脆卜卜 好似食緊蝦片咁 唔油膩🤤
🍚雜菌松露意大利飯
上枱已經聞到好香濃既松露香 用左芝士同忌廉烹煮 所以味道好濃郁易飽滯 飯粒比較硬身 每粒都食到濃郁嘅忌廉汁味👍🏻
Post
