Mr Simms Olde Sweet Shoppe (Closed)

今日同友人食放題前，順便到呢間糖果店朝聖一下。店鋪都算近地鐵站，亦唔難搵，不過規模有啲細，有瑟縮一角嘅感覺。最後買左三樣：左邊個袋係mix bon bons, 中間係紅桑莓味朱古力，右邊係飛碟糖。Mix bon bons（$75）：買左250g,每100g 30蚊。口感似食緊香口膠，但佢係可以吞嘅軟糖。表面有層薄粉，應該係避免放耐左同其他糖痴埋一舊（因為我拎返屋企已經有幾粒痴住）但我唔太鍾意粉嘅味（有少少似話梅味）有幾種味道選擇，整體幾得意，每食一粒感覺可以嚼好耐，可以買離試下。紅桑莓朱古力（$40,原價$50）：因為碎左少少，所以平10蚊。我幾鍾意呢隻朱古力，唔會死甜，加上有我鍾意嘅莓，有清新感覺。重點係佢可以完美分開每一小格朱古力，好爽飛碟糖（$28）：呢個完全同我想像中味道一致。外皮似糯米，煙韌嘅脆皮。入面酸粉係顆粒狀。佢比我嘅感覺似雜貨店嘅小食多過英國傳統糖果，好懷舊。值得一提，店員好細心，見你拎住幾樣貨，會即刻比籃你裝。回答問題亦有耐心，有講有笑，感覺親切雖然普遍糖果都比市面貴，不過黎得專門店都預左，間唔中一次都接受到嘅。所以我遲下口痕應該都會再幫襯，哈哈。