Gastrobox The Cameron (Closed)

今晚有人帶我黎呢度食西餐。位於尖咀內街嘅一樓。餐廳主打英式西餐，當然唔少得有酒類飲品供應。未點餐已經送上兩件香草多士，脆卜卜。干邑龍蝦湯 龍蝦湯底超濃郁，龍蝦殻同龍蝦膏嘅精華都係晒入面，龍蝦肉有兩粒。Bloody MaryPepper調味比較重手，vodka味飲落酒味都夠濃。扇貝紅花扁意粉 扇貝有兩大粒！扁意粉偏幼身，火喉剛好，口感非常煙韌。忌廉調味幾creamy！羊鞍扒 （7成熟）配菜有瓜同薯蓉，仲食到粒粒薯仔口感。淋上紅酒汁嘅一刻。切開羊肉超粉嫩，食落軟稔。肉味重，羊羶味唔會太勁。法式焦糖燉蛋 連餐廳店名嘅擺盤幾精緻。薄薄一層脆焦糖，蛋都幾順滑，不錯。