M&S Café (太古城中心)

Open Now

Now Closed

一直都知道馬莎開咗一間專屬嘅M & S Cafe，佢嘅形式有啲似星巴克，可以買一啲咖啡同埋麵包蛋糕慢慢嘆。而且知道馬莎嘅食物有所保證，一般都唔會加有害嘅物質，今日終於有機會一試。我同朋友每人叫咗個套餐，裏面都幾豐富，有飽肚嘅意大利粉，或者冇咁飽肚嘅炸魚薯條。叫咗個焗千層麵同英式吉列鱈魚柳，佢哋分別都可以跟一個湯，我就揀咗一個南瓜湯同同埋忌廉蘆筍湯，發現蘆筍湯個味道並唔係我想像中咁樣，可能佢完全冇加添加劑，所以淨係食到蘆筍最原本嘅味道。而南瓜湯飲落去好軟綿綿，橙色的外表，南瓜好友湯好濃郁！千層麵嚟嘅時候仲熱辣辣，個盤仲係滾的，熱到起泡。另外，每個套餐仲可以跟杯嘢飲，包括佢哋自家出品嘅熱薑茶同甘菊茶，茶几碟附上餅乾，具有英倫風味。最後自選蛋糕，揀左個咖啡合桃蛋糕，蛋糕香噴噴而且好大件，唔似平時食到嘅一般的樣式。下次去消磨時間，都可以考慮去瑪莎嘅咖啡室，真的不錯。