Video
Read full review
2018-01-01
112 views
一入門口就有部遊戲機吸引左我 (雖然中女係唔打機既)，但就諗起以前細個放學(放假)落機舖打機既童年回憶。本身以為只係一個擺設，但原來玩得架>V<，有好多個小遊戲，不過就要投幣。呢間餐廳顧名思意就係食Fish & Chips，我地點左一個Signature Fish & Chips，同一個Fisherman Sandwich (因為中女T唔食羊)。呢度比較自助，要行去counter落單，有2名外籍店員(都幾靚仔)，講英文既，笑容好好，仲提醒我地因為比較多訂單要等十分鐘左右，好貼心。價錢亦好合理，都係大約$70-$90左右，其他小食就$50-$80左右。Fish & Chips有4種source揀，我今次就揀左最穩陣既TaTa。魚柳份量唔多，岩哂細食既女仔/當小食亦可。魚肉熱辣辣都幾嫩滑，可惜一切就散(絕對唔係因為我地粗魯呀下…) 除左薯條之外仲可以轉洋蔥圈/沙律/薯角/薯餅/蒜茸包，我地揀左薯角，味道一般，不過熱辣辣都加返小小分。原來Fisherman Sandwich即是魚柳包，個包烘熱左熱熱地脆脆地，仲好細心咁幫我地切開2份，我覺得佢唔夠醬仲自己查多d Fish &
呢間餐廳顧名思意就係食Fish & Chips，我地點左一個Signature Fish & Chips，同一個Fisherman Sandwich (因為中女T唔食羊)。呢度比較自助，要行去counter落單，有2名外籍店員(都幾靚仔)，講英文既，笑容好好，仲提醒我地因為比較多訂單要等十分鐘左右，好貼心。價錢亦好合理，都係大約$70-$90左右，其他小食就$50-$80左右。
Fish & Chips有4種source揀，我今次就揀左最穩陣既TaTa。魚柳份量唔多，岩哂細食既女仔/當小食亦可。魚肉熱辣辣都幾嫩滑，可惜一切就散(絕對唔係因為我地粗魯呀下…) 除左薯條之外仲可以轉洋蔥圈/沙律/薯角/薯餅/蒜茸包，我地揀左薯角，味道一般，不過熱辣辣都加返小小分。原來Fisherman Sandwich即是魚柳包，個包烘熱左熱熱地脆脆地，仲好細心咁幫我地切開2份，我覺得佢唔夠醬仲自己查多d Fish & Chips果個他他醬，味道勁夾！(因為同麥xx既魚柳包差唔多，不過就係高級版P)
餐廳環境比較細，亦算光猛，主要以high table為主，建議2-3人聚會比較適合。可能係閒日關係，顧客唔算多，所以都唔算嘈，幾岩想飲杯野食d輕食既朋友。味道亦不過不失，但勝在夠平！
Post
