白鬍子炸魚薯條

Open Now

Now Closed

又到聖誕，又到聖誕！又到聖誕節啦，飯局接飯局，除咗放題、主題餐廳之外，其實一啲有酒牌既西式快餐店都好適合約朋友出泥談下心，聚下舊嫁。由於酒量麻麻，費事失禮人，所以就叫咗杯檸檬汁飲。雖然，杯入面得一塊檸檬，但係飲品都有好重酸酸甜甜既檸檬味。另外，有圖案既紙吸管好可愛，大大提升咗整體既視覺效果！除左普通既炸魚薯條外，餐廳仲有好多特別口味既炸魚提供，又有得免費將薯條轉做沙津、洋蔥圈、薯餅等其他種類。今次就揀咗泰式冬陰公味既炸魚，英式同泰式食材既融合！冬陰公炸魚味道香濃，微辣，魚肉鮮嫩，炸粉份量適中，唔會再於油膩。金黃色薯條有手脂公咁粗，但依然保持到外脆內軟。薯條即叫即炸，熱辣辣上枱，有咩開心過係天氣凍既時候，食到熱野呢！加上，薯條份量充足，當主食完成冇問題。