Le Cafe

Open Now

Now Closed

今日帶小朋友去屯門黃金海岸跳彈床&做陶瓷，午餐就去黃金海岸商場隨便找一間快靚正的餐廳。最後揀左間叫【Le Cafe】。名字係英文，其實喺一間茶餐廳，真係估唔倒。餐廳有室外及室內用餐區，雖然室外位置環境舒適，但係有人吸煙，所以都係揀坐室內。餐牌炒粉麵飯豐富，有廿多款選擇。又有焗飯又有常餐。係真真正正的茶餐廳，跟英文名字沒有關係。雖然在黃金海岸，但是沒有西餐廳的影子。但係星期六日要加一，又沒有午餐套餐選擇價。炒粉麵飯大約七、八十蚊仲要加一，比其他地區貴一點。 【常餐 $61】揀左餐肉一丁 ，賣相好單調，調味粉、麻油另上。牛乳滑蛋配牛角包，換上牛角包好似豐富點，但是牛角包比較淋又無牛油香，味道普普通通。 【時菜叉燒炒麵 $78】不過不失的炒麵。最後發現原來【Le cafe】有個中文名字叫做【黃金滿屋茶餐廳】，都係中文名字比較合襯。