BRICK LANE Deli (Closed)

位於📍沙田嘅英國🇬🇧街頭小食店，經過嘅時候俾佢嘅紅色巴士🚌攤檔所吸引。原來係期間限定至2022年1月31日，即刻有返之前去英國餐廳食嘢嘅氣氛💥。Brick Lane Deli 有兩款人氣倫敦🎡街頭小食，包括「即製烤芝士麵包」同「即叫即製的刮烤拉克萊特芝士小吃」。.《Cheese＆Ham Toastie Cheese🧀🍞》$98廚師先選取天然酵母發酵嘅酸種麵包作為吐司，口感厚實同獨特。廚師係現場隨即刮下由烤熱的巨型半熟熱溶芝士輪到吐司上，芝士味勁香！除咗拉克萊特芝士，仲加咗堅果香濃嘅車打芝士同軟綿拉絲嘅水牛芝士，鍾意食芝士嘅你一定要試！有兩款餡料可供配搭，自製洋蔥醬/ 煙火腿，今次揀咗火腿，又咸又甜幾夾👍🏻.《Raclette Chips 🍟》$68熱溶半熟軟綿嘅芝士淋上薯條上面，超鍾意食芝士嘅我即刻叫來食。試咗個外脆內軟嘅香脆鬆軟雙炸薯條。建議一送上嚟嘅時候即刻食，放耐咗啲芝士就會變硬🙈。. 《B2燒豬肋骨 Baby Back Ribs》$128好大碟，仲有 backed potatoes, 蕃茄、西蘭花、椰菜花，配BBQ sauce。豬肋骨係即時燒嘅，燒得好香，骨肉分離🤤 肉質嫩滑！