Video
Read full review
2014-07-22
1503 views
麵包班同學仔啱啱去完首爾嚟，話有袋小手信醒小弟喎，咁就不如兩個麻甩佬約埋一齊，食吓嘢，吹吓水啦。地點選取IFC嘅百特文治（Pret A Manger），原因喺大家都晌中上環返工，收工行過嚟都得，走時一程地鐵又快又直接返到屋企。其次，因為剛巧收到公關送贈嘅新出品換領券，用咗佢唔好嘥，再補啲飲品、甜品，咁就變成既輕鬆、又輕怡嘅一餐。有時朝早或晏晝經過依間分店，人多得水洩不通，不過，入夜嘅中環，除咗雲咸街、蘭桂芳、蘇豪……等會多啲人氣之外，其他地方都較為靜。故此，就算處於IFC之內，我哋嚟到，亦都見唔多人。補充多句，中上環一共有成5間百特文治，間間都收檔收得頗早，只有依間分店同中環地鐵店開到成9、10點。今期又推出咩新元素呢？原來喺以日式食材，西式做法，首度創新推出「紫菜薄餅卷」及「壽司沙律」，未知會帶嚟咩驚喜。百特文治最為人熟悉喺其三文治，當然佢嘅產品都幾多元化，仲有法式長麵包、薄餅卷、沙律、乳酪、熱湯、烤焗法式酥點、甜品、天然乾果包、小食、蛋糕、曲奇……等等，所以，查實薄餅卷唔喺咩新嘢，百特文治一向都有得買，口味如：牛油果烤松子仁、京式烤鴨。今次嶄新推出嘅口味，就有「山葵煙三文魚紫菜薄餅
有時朝早或晏晝經過依間分店，人多得水洩不通，不過，入夜嘅中環，除咗雲咸街、蘭桂芳、蘇豪……等會多啲人氣之外，其他地方都較為靜。故此，就算處於IFC之內，我哋嚟到，亦都見唔多人。補充多句，中上環一共有成5間百特文治，間間都收檔收得頗早，只有依間分店同中環地鐵店開到成9、10點。
今期又推出咩新元素呢？原來喺以日式食材，西式做法，首度創新推出「紫菜薄餅卷」及「壽司沙律」，未知會帶嚟咩驚喜。
百特文治最為人熟悉喺其三文治，當然佢嘅產品都幾多元化，仲有法式長麵包、薄餅卷、沙律、乳酪、熱湯、烤焗法式酥點、甜品、天然乾果包、小食、蛋糕、曲奇……等等，所以，查實薄餅卷唔喺咩新嘢，百特文治一向都有得買，口味如：牛油果烤松子仁、京式烤鴨。今次嶄新推出嘅口味，就有「山葵煙三文魚紫菜薄餅卷」及「棒棒雞紫菜薄餅卷」（$44）。
山葵煙三文魚紫菜薄餅卷 $44紫菜薄餅卷，顧名思義，就喺以墨西哥薄餅卷再外加一層紫菜，紫菜一向都被認定高纖有益。卷心捲住煙三文魚、白蘿蔔、酸薑、菠菜、青瓜，醬汁以蛋黃醬加入日本芥末，所以，食起嚟無論口感還是味道，都富層次，清爽中滲出陣陣辛辣，不過，個人覺得酸薑味稍為大過芥末味，有點喧賓奪主嘅感覺。最貼心喺條紫菜薄餅卷原來一早己切開兩截，方便我哋分，亦方便客人拎嚟食。另外，選料都偏向有益健康嘅食材，貫徹店家嘅宗旨：「用料新鮮，食材天然」。
另一新品，就喺「芝麻雞肉壽司沙律」及「照燒汁三文魚壽司沙律」（$45）。沙律嘅選擇晌百特文治一向都幾多，如同樣屬新口味嘅意式雞肉廚師沙律及燻牛肉沙律、公司沙律、甜薯素丸子鷹咀豆醬沙律……，今次新添款式令到選擇增至一共8款，真喺食足一個星期都可以日日唔同款呀！
芝麻雞肉壽司沙律 $45個薄餅卷試咗啲煙三文魚，所以個沙律就揀芝麻雞肉。而依次嘅新出品，晌沙律中加入壽司飯嘅元素，所以，小弟就覺得話佢喺盒飯加咗少少沙律配菜又得。盒內除壽司飯外，又有烚雞肉，中華沙律、酸椰菜及甘筍絲。壽司飯糝上少少紫菜粉，令味道無咁寡，而雞肉撒上唔少烘過嘅黑白芝麻，又淋埋個和風芝麻汁，幾濃香，卻感覺輕怡。
味噌湯 $18熱湯除是日精選，你又會唔會揀杯味噌湯嚟襯番以上兩款帶有東瀛口味嘅出品。味噌湯以咖啡杯盛載，湯味比預期濃香，唔會得個樣，麵豉味都幾十足，內裡有少少紫菜，如加少少豆腐粒就仲好。
香橙番石榴熱情果汁 $22老友都喺喜歡凍飲，要咗支香橙番石榴熱情果汁，佢話估唔到個果汁唔錯喎，第一口飲落覺得有啲怪，不過，慢慢再嗒，嗒得到3者嘅味道，感覺幾得意喎！
咪睇我哋兩個男人老狗，其實都鍾意食甜品，「同學仔」仲喺整甜品、麵包高手，所以，最後，我哋都揀啲甜品作結，咁先完整嘛。
荔枝意式奶凍 $22打橫一望就見到奶凍分成3層，上下兩層都喺帶濃濃奶香嘅意式奶凍，質感挺身，而中間淺色一層喺清爽嘅荔枝啫喱，整體味道不俗。由於我只喺滔一小羹試試，原來底下仲有一大粒鮮荔枝肉，清甜到爆。
草莓乾果燕麥乳酪 $23小弟則要杯乾果燕麥乳酪，夠晒健康吖嘛。草莓漿擺晌最底，再上有乳酪及好多乾果同燕麥，酸滑嘅乳酪混和草莓漿，更加酸香醒神；乾果同燕麥，軟硬有咬口，不過，我都喺鍾意「蘋果曲奇甜心乳酪」，因為有蘋果金寶，多份鬆脆香甜口感。
滋味，唔單食到咩好嘢，仲有喺同相熟嘅老友一齊，有講有笑，共名細味。順口都多謝老友嘅手信，滿滿一袋零食，讓小弟又食又拎，有個開心一夜！
Other Info. :
利益申報：雖然無剔到「試食活動」一欄，但文中已表明新出品喺公關送贈，而兩者都喺晌凍櫃隨意揀嚟，並事後表明以換領券「付款」，相信你買到嘅，同我食到嘅都應該水準如一，唔會有太大差別啫；再者，其他嘢都喺自費項目，所以，認為無必要剔「試食活動」多此一舉啫。況且，人人口味不同，上述食文都喺隨心所發，個人食後感而已！
此外，平均消費一欄，為咗俾大家有個參考，純粹簡單以文中嘅單價計算，因有換領券在手，實際消費當然無咁多。
(The above review is the personal opinion of a user which does not represent OpenRice's point of view.)
Post
