火鍋英雄 (Closed)

2020年未試過出街打邊爐，今年第一擊，一於食好啲，食得舒服啲火鍋店喺正銅鑼灣地鐵站C出口對面馬路，方便到極。佔地全層，空間感十足，有好多卡位雅座，加上半腰屏風，喺非常注重衛生嘅時間，唔怕隔離枱口沫横飛，好安心呢度主打重慶火鍋，名鍋如酸辣魚，重慶麻辣火鍋…. 我唔係咁食得酸辣，所以揀咗胡椒豬肚雞湯。先飲碗湯，湯底清甜得來又有胡椒味，飲咗成身暖曬。 湯料十足，除咗有豬肚，雞，胡椒粒，仲有馬蹄，白果， 腐竹英雄八盞，醬料即是八碟前菜，青瓜，木耳，蓮藕粒，豆干，豬耳，海帶，芽菜，花生。開胃好味。加埋自調醬料都係每位$20，誠意之作。調味料是自取，最特別有榨菜末，香菜末，芹菜末同花生末。美國極品肥牛叫咗小份，但係都非常大碟，肥牛油花分佈均勻，豐富又細密，淥起來夠軟淋，牛味十足。招牌四寶丸全部手打，分別是墨魚丸，蝦丸，鯪魚丸，牛肉丸。樣樣都好彈牙，尤其鍾意食墨魚丸同鮮蝦丸，好鮮味。蒙古羊肉片完全冇羊騷味，肉質鮮嫩。酥炸響鈴淥完之後，出面嗰幾浸索曬啲湯好入味， 入面嗰幾浸仲脆脆地，仲有好香豆味。韭菜水餃餡料十足，非常飽滿，裏面啲菜同肉好新鮮。四川紹粉煙煙靭靭，加埋啲湯一齊食好好食。雜菜籃可以食到幾