Video
Read full review
2011-05-11
26 views
今日由於烏龜要閉關，本大鯊自己游去同朋友去睇狂野時速５（Fast and Furious 5）。我地喺荃灣廣場睇７：４５場，睇完行到去松記（友記隔離）大約１０：００，本身諗住仲好早應該唔會太多人，點知行到去已經有超多人喺松記等緊！唉...好彩呢條街仲有好多間糖水舖，於是我地唯有去第間。呢條街除松記同友記外，仲有：１. 明記甜品 － 不過價錢稍貴，＄３０－４０一個甜品，而且款式唔多，雖然本大鯊有８折卡，但幫襯過一次之後都唔想再去ｌｕ。２.小樽甜品屋 － 賣點係青春少艾女服務員，多數著短裙或熱褲，靚唔靚就見人見智，本大鯊就費事comment不過可能由於ｄ姐姐太青春，服務係差到加零一！但各位男士如果想欣賞短裙或熱褲姐姐的話應該唔會介意o既～至於甜品就大約＄３０一個，款式比較創新，例如有水果湯圓，分子甜品，不過味道就好一般，再加上各位姐姐成日嘻嘻哈哈咁做野，隋時等一個鐘你都未有野食，所以鯊龜都唔鍾意泥～３.沛公甜品 － 初開張時用料十足，但慢慢就愈泥愈少料...甜品價錢有平有貴，普通甜品如西米露，紫米露等只係＄９，其他特色ｄ既如千層班戟有料腸粉就大約＄２５。呢度最出名o既係榴槤甜品，鯊龜試過榴
呢條街除松記同友記外，仲有：
１. 明記甜品 － 不過價錢稍貴，＄３０－４０一個甜品，而且款式唔多，雖然本大鯊有８折卡，但幫襯過一次之後都唔想再去ｌｕ。
２.小樽甜品屋 － 賣點係青春少艾女服務員，多數著短裙或熱褲，靚唔靚就見人見智，本大鯊就費事comment不過可能由於ｄ姐姐太青春，服務係差到加零一！但各位男士如果想欣賞短裙或熱褲姐姐的話應該唔會介意o既～至於甜品就大約＄３０一個，款式比較創新，例如有水果湯圓，分子甜品，不過味道就好一般，再加上各位姐姐成日嘻嘻哈哈咁做野，隋時等一個鐘你都未有野食，所以鯊龜都唔鍾意泥～
３.沛公甜品 － 初開張時用料十足，但慢慢就愈泥愈少料...甜品價錢有平有貴，普通甜品如西米露，紫米露等只係＄９，其他特色ｄ既如千層班戟有料腸粉就大約＄２５。呢度最出名o既係榴槤甜品，鯊龜試過榴槤千層班戟同榴在心中．的確夠榴夠溝！不過舖內冇位，鋪外好似只可以擺到一兩張兩人台，所以外賣會較好。
本鯊分析完之後，朋友選舉o左友記，不過由於本大鯊emphasize友記食評唔多好，我地都只係貪佢唔使等位，而且冇咁多人可以坐耐ｄ吹水（好唔好味大家心照啦）。
本大鯊叫左本美人（＄２９），木瓜裡面有椰果，三色蒟蒻，黑珍珠同埋椰汁冰底。一上台個本瓜有一部iphone咁高，好似好多料好正喎！點知本鯊一”嗶”...個本瓜好厚肉喎...裡面o既容量最多只只有半盒紙包飲品咁多...唔信？本大鯊運本瓜核都食到Ｎ咁多粒丫！可想而知制作人幾鍚住個木瓜ｄ肉啦！味道方面，椰果係罐頭椰果，冇可能唔好食啦。三色蒟蒻係有三種超小型唔同顏色o既jelly，但佢地有同一種味道：冇味！黑珍珠冇味道，但硬硬地幾好口感，但得個三四粒囉。椰汁冰底..真係唔睇menu都唔知個底係椰汁同冰囉！本鯊有飲到甜咪，不過椰汁味where are youuuuuuuuuuuuuuuuuuuuuuuuuuuu？而且本鯊又完全見唔到有冰，更加唔覺得有冰涼o既感覺，唔通天氣熱得制咁快變室溫？！（嘿嘿）雖然有支飲管，但基本上係用唔著，一來本身個木瓜洞唔太冇乜野飲，二來ｄ木瓜核係咁塞住技飲管囉！本鯊冇俾ｄ核梗屎應該要還神啦
用＄２９買左小型本瓜泥食，感覺好搵笨囉！唔係松記冇位同埋朋友話泥都咪駛指意本大鯊會泥！服務冇，味道冇，價錢貴，再幫襯就笨ｌｕ～！（咁咪即係話本大鯊做咗一次笨鯊囉，唉，自古英雄難過美人關!）
更多食評可到: http://hk.myblog.yahoo.com/turtle-shark/
Post
