Video
Read full review
2018-06-10
546 views
茶狼而家台式飲品越來越多，除左尖沙咀銅鑼灣衣啲地區，中環我想都是其中一個據點，最近又開左間新嘅，就係茶狼，個地點好好喺上soho區扶手電梯對住個位，所以一開每天經過都有10幾個人等緊，自己都唔係試左好多次，因為lunch 時間有限，有時太多人真係唔會走去買。我第一次係試佢個冷泡嘅白露苿莉茶（22蚊），衣個最快，無時間嘅人可以揀衣個試下，因為佢已經沖好晒用樽裝住，一買即有唔洗等，佢個樽身好硬，我自己覺得可以循環再用，唔係就實在太浪費。基本上衣個自己沖都沖到，果度有48蚊5個嘅冷泡茶茶包，所以買返公司飲不如買茶包自己沖。佢個苿莉茶好香苿莉味，好好飲，其他茶店暫時未揾到有咁香茶味係真嘅。其實佢我諗開左一個月喇大概，初初只有飲品賣，最近見到佢有蛋糕同布甸賣，所以又買來一試，我買左烏龍茶布甸，佢入口有一陣茶味，之後就食到好香奶味，質地都唔錯唔會太水，好似26蚊，仲有個牛乳味，可以買來做下午茶。跟住有一日星期六返工終於品嚐到其中款蛋糕，烏龍茶芝士蛋糕，有茶味都有芝士味，蛋糕質感都無話太實吉吉，都唔錯，28蚊感覺幾抵，因為大大件，芝士蛋糕咁大件覺得有啲多之後再買杯芝士奶蓋芒果白露苿莉茶，42蚊都幾貴
而家台式飲品越來越多，除左尖沙咀銅鑼灣衣啲地區，中環我想都是其中一個據點，最近又開左間新嘅，就係茶狼，個地點好好喺上soho區扶手電梯對住個位，所以一開每天經過都有10幾個人等緊，自己都唔係試左好多次，因為lunch 時間有限，有時太多人真係唔會走去買。
我第一次係試佢個冷泡嘅白露苿莉茶（22蚊），衣個最快，無時間嘅人可以揀衣個試下，因為佢已經沖好晒用樽裝住，一買即有唔洗等，佢個樽身好硬，我自己覺得可以循環再用，唔係就實在太浪費。基本上衣個自己沖都沖到，果度有48蚊5個嘅冷泡茶茶包，所以買返公司飲不如買茶包自己沖。佢個苿莉茶好香苿莉味，好好飲，其他茶店暫時未揾到有咁香茶味係真嘅。
其實佢我諗開左一個月喇大概，初初只有飲品賣，最近見到佢有蛋糕同布甸賣，所以又買來一試，我買左烏龍茶布甸，佢入口有一陣茶味，之後就食到好香奶味，質地都唔錯唔會太水，好似26蚊，仲有個牛乳味，可以買來做下午茶。
跟住有一日星期六返工終於品嚐到其中款蛋糕，烏龍茶芝士蛋糕，有茶味都有芝士味，蛋糕質感都無話太實吉吉，都唔錯，28蚊感覺幾抵，因為大大件，芝士蛋糕咁大件覺得有啲多
之後再買杯芝士奶蓋芒果白露苿莉茶，42蚊都幾貴，不過間唔中一次就算喇，咸咸嘅芝士奶蓋味道唔錯，亦無一粒粒（我試過一間啲奶蓋係有一粒粒，真係麻麻地）芒果甜而茶帶少少澀，出奇地夾。不過最唔鐘意佢耐左就會茶還茶芒果還芒果分左兩層。
Post
