貓頭鷹餐室

Open Now

Now Closed

午飯時間，見新開就去試吓。由入門口一刻，個短頭髮侍應生（定係經理）指住我，好有威嚴咁叫我入去，已經打咗個突。坐低咗10分鐘，個落單嘅QR code都未比我哋，已經開始懷疑係咪入錯嚟！叫個黑松露薯條，無期望就無失望，薯條唔多，又炸燶哂。主角嚟啦，意式蕃茄大蝦意粉，盛惠$88！碟嘢嚟到，唔明點解可以咁肉酸，茶餐廳嘅乾炒牛柳意粉都好過佢。意粉算多，碟入面有稀稀嘅茄膏水，茄味極假，一粒蕃茄粒都無，係一粒都無！大蝦呢？係用雪藏蝦，無味嘅，有4大隻咁多，躲藏係一大Pat 意粉下面！凍檸茶，個茶反哂，混濁啲囉！總結經驗，永無下次，睇吓下一次係邊間接手租呢個舖。