香港站餐廳小廚

Open Now

Now Closed

呢間餐廳都開左一段時間，一直都冇時間食下，是日有要事要搞，一於去佢度食個靚早餐先去。我揀左5號餐，朋友揀左3號餐。5號餐: 值得讚既係佢個厚多士好脆，有別於一段厚多士，佢係有少少似酥皮果種，好味。個磨菇奄列不過不失。蕃茄牛肉麵: 望落去見到咁多蕃茄果陣，以為好正，但食落口淨係食到茄膏味，好甜，我仲要嗌左公仔麵...甜既公仔麵...所以最後我食晒D餸同幾淡麵就冇食。3號餐: 朋友話個炒蛋幾好，但個沙嗲牛肉麵偏咸，減左分。總括而言，兩個餐個麵都唔合格，早餐就唔會再係度食啦，下次試埋午餐/晚餐再決定究竟係早餐不濟定成間都係先。