京林屋 (Moved) New Location

近期抹茶真係大熱 ，今次有機會同朋友來到位於銅鑼灣的京林屋，試下呢間京都老店的抹茶甜品啦！ 要食梗食佢最受歡迎的甜品-林屋抹茶芭菲同特制林屋抹茶餡蜜，另外還點了熱黑豆茶及培茶(朝薰)，慢慢享受呢個週日！ 芭菲賣相好靚，每層都用唔同材料組成，好似蛋糕咁。除了有滿滿濃郁香醇兼幼滑的抹茶雪糕外，還有冰涼的抹茶果凍同軟糯的白玉丸子，還有粒粒爽口的梨肉，每一口都帶有抹茶的甘香。 煙煙韌韌的蕨餅同小丸子配上甜蜜蜜軟腍的紅豆，加埋抹茶味濃郁的爽口果凍及滑溜的雪糕，淋上黑糖，可以話口感同味道都非常豐富。而底部放滿了味道清甜的梨肉，消暑簡直一流！ 當然亦都唔少得飲呢度的茶，茶連同茶壺及沙漏一起送上，而且還教你如何沖第二杯茶，都幾有趣！黑豆茶有好香好濃的黑豆味，飲落好醇，令人一飲再飲。至於培茶(朝薰)，聞出茶味好重好濃，飲落甘香！