Lovever Patisserie

Open Now

Now Closed

法式甜點喺香港未咁普遍時，灣仔已經開左呢間小店，一直好評不斷，朋友訂過佢嘅馬德蓮同費南雪做散水餅都話質素高。近日佢地推出左抹茶雪球曲奇，難得阿妹肯買埋返黎畀我，我就唔客氣咁試埋鎮店之寶達克瓦茲。🍽超濃抹茶榛果雪球餅乾呢款曲奇真係近期最愛，唔好睇佢細細粒，結構相當複雜，以Valrhona白朱古力加小山園抹茶粉製成，內有榛果碎增加口感，外殻灑左一層帶點苦嘅抹茶粉，食到最尾則由鹽之花帶來鹹味。一盒八粒好快就食完，但用料同手工絕對對得住個價錢。🍽抹茶麻糬達克瓦茲達克瓦茲嘅口感無可挑剔，外層酥脆，但內層柔軟煙韌，奶油霜用上帶甘嘅青嵐抹茶，嘅麻糬偏軟身細細粒，唔會搶左抹茶嘅風頭。 🍽焙茶夏威夷豆達克瓦茲達克瓦茲面頭撒上糖粉所以會甜少少，我覺得配濃香嘅焙茶奶油霜更夾，夏威夷豆嘅存在感唔係好高，但成個配搭好好食。